Prof. Jimbrehe
Tasabauiklah di nagari Batangihan, surang Tuan nan banamo Prof. Jimbrehe. Jan salah salah, gala Profesor nan lakek di namonyo indak bagarah bagai doh. Gala tu didapeknyo dek diagiah dari sebuah perguruan tinggi termasyur dari benua lain. Kaba curitonyo, Buyuang Jimbrehe namo aslinyo tu dapek gala berkat keahliannyo memecahkan segala masalah. caritonyo, Jimbrehe memaparkan Pandangannyo bahwa hiduik du dunia ko indak adoh nan indak kabamasalah.Tapi, manuruik Prof. Jimbrehe pulo, indak adoh masalah nan indak salasasai, indak ado panyakik nan indak ado ubeknyo. Sagalo sesuatu pasti ado jalan kaluanyo.
Dek karano santiangnyo, mako diangkek Jimbrehe manjadi guru gadang di perguruan tinggi tu. Sajak itu Jimbrehe lah bagala Professor. Walau indak tamaik bagai sakola dari PAUD sampai Esema cando urang, Jimbrehe lai tamaik mangaji di surau Kebenaran. Jimbrehe sangkek mudonyo lai pulo Khatam Alquran barang sakali. Dek sakiang dalam ilmu agamonyo, sagalo kato guru mangajinyo taruih diingeknyo,
"Jaan cameh jo galombang kemajuan zaman di dunia ko. Hiduik di dunia hanyolah bak gurauan sajo.sarumik-rumik masalah kambalilah ka Alquran jo Hadis. Sagalo sesuatunyo alah adoh dalam Alquran." itulah padangan hiduik Prof. Jimbrehe.
Sajak basajak, sajak Prof. Jimbrehe pulang kampuang ka nagari Batangihan, dek angok lah dimakan umua, Prof. Jimbrehe jadi tuntunan urang kampuang.Prof. Jimbrehe jadi tampek urang batanyo, tampek urang mangadu sagalo permasalahan hiduik. Samampunyo Prof. Jimbrehe manjawek satiok tanyo nan dihadoki ka inyo. Indak bisa jo kato serius,nyo laluan jo kato garah.
"Kok pitih sabenggo yo indak adoh doh. Kok pituah sapatah kato, kamarilah," sambuik Prof. Jimbrehe satiok manarimo tamu di Rumah Gadangnyo nan Ampiang rarak dimakan zaman, (il)
Tidak ada komentar:
Posting Komentar