Prof. Jimbrehe
“Presiden Naik Gaji”
Tangah hari tagak, salapeh wakatu Luhua, tagageh-gageh Bin congek, anak mudo nagari Batangihan nan terkenal basamangaik tinggi jo persoalan politik. Dek samangaiknyo, maroroh-roroh sarawa galembong Bin Congek katiko naik tanggo rumah gadang Prof. Jimbrehe. Kok indak capek tangannyo maingkek pingggang sarawa tu, tantulah alamaik kabaserak jaga Bin Congek.
"congek, mangain kamu tergegas-gegas tidakberketauan?," sambut Prof, Congek yang baru salasai sumbayang Luhua.
"Ondeeeehh, Prof, Alamaik ka manderito juo rakyat berderai ko, Prof." lokak Bin Congek ka Prof. Jimbrehe.
"Congek, ba a kok mode itu kato angku? Apo sabab musababnyo haruslah ado," baleh Prof. Jimbrehe
"Ampun baribu kali ampun Prof. Baru sajo denai mambaco koran di lapau Cik Etek,koran nan indak koran cabiak, indak pulo koran kolomari. Tatulih di halaman partamo, Judul Gadangnyo,
"Presiden Minta Naik Gaji"," tarang Bin Congek.
"Congek,angku tahu bara gaji presiden tu kini?"
"Tatulih di koran tu, gaji presiden sarato tunjangannyo sabanyak Anam puluh duo juta ampek ratuih sambilan puluh tujuh ribu lapan ratuih rupiah per bulan. Samantaro dana operasional atau taktis sabanyak 2 M per bulan. Dima latak kurang nyo pitih sabanyak itu lai?" pana Bin congek ka Prof. Jimbrehe
"Congek, dek kito rakyat berderai ko angko sabanyak itu tantulah payah manyabuiknyo, apo lai mamaciak nyo. Di agiah bana ka angku pitih sabanyak itu, mungkin angku takajuik pulo manarimonyo. Bak cando manang lotere,bisa bisa angku pingsan dulu sabalum tarimo pitih. Tapi dek presiden kito tu, pitih sabanyak tu alun sabara. Urang gadang pengeluaran nyo gadang pulo. Samakin gadang jabatannyo, samakin gadang pulo gajinyo, Dan tantu samakin gadang pulo utaknyo."tarang Prof. Jimbrehe
"Samantang pun bak itu, Prof, apokah pantas di wakatu kinipresiden mangaluah minta naik gaji? Harago Bareh mancakiak,harago lado mamakiak" sanggah Bin Congek
"Mungkin dek itu pulolah presiden minta naik gaji. Ndak Baa tu doh. Ibo wak. lah 7 tahun indak naik gaji. tando indak tabali lai bareh jo lado dek gaji nyo kini...Ganti Basidakah! Ibo wak jo Anak Yatim" jawek Prof. Jimbrehe enteng. (il)
30/1/11
Tidak ada komentar:
Posting Komentar